|
|
|
|
Registrada en el Grupo 1º, Sección 1ª con el número 172.541 del Registro Nacional de Asociaciones del Ministerio del Interior |
|
|
|
|
|
Registrada en el Grupo 1º, Sección 1ª con el número 172.541 del Registro Nacional de Asociaciones del Ministerio del Interior |
|
|
Nik wach hoq xchik lojik chalop
Rab’iral nik’wach noq xitik’a chaloq kamanik: Chu’nchel xtihk’ik ruum noq xponik jinaj i Padre aj Watemala ar España. Re’ i jaw Padre Denis Lopez. Re’ wilik chikamanik pan Parrokia Purulhá B. V. Watemala Centro América. Rik’ihal i tinamit re’ re’ ik’enaq nak lajeb’ rikawinaq mil, ma’ til tah eht’alimaj chikorik, rik’ihal i ab’ixb’al wilik (80) a ha’ qohkamanik wi’ i hoq, wilik nah 4,000 chiqasqachaq’ k’ahchi’ qatob’em taqeh. Re’ kiq’orb’al wilik ixib’ b’uhr wach, Poqonchii’, Q’eqchii’ eh Achii’. Eh re’ i tanamit, La Dehesa, rib’ihnal ar españa. Re’ keh xk’iq’or noq naqa’nam i tob’inik reh riloq’arik i kamamb’al reh b’ojoj itz’iy keh jun tuhb’ taqeh i tuut, ar pan tinamit Purulhà, re’qatinamit España korik chi ajkamanom taqeh q’e inkiyew kik’ux chikamink, reh ritobjik taqeh i kaskichaq’ aj kamanom taqeh je’ pan kiyeab’ qal qal wach q’iij. Eh re’ taqeh inkiyew kik’ux chikamanik chiqatob’jiik wilkeb’ jun tuhb’ rijib’ winaq ik’inaq kihab’ul, wilkeb’ wo taqeh jun tuhb’ i tuut kamnaq kib’ahil, eh jun tuhb’ halak’un, re’ kitob’inik qeh chirib’anarik i kamanik on tib’inik ar Purulhà. B, V.
Eh chiwach i peet q’iij reh poh Julio reh hab’ 2,001 Re’ i Padre
Rafael eh wikeb’ chik ixib’ taqeh k’ijol xi hoj ar watemala xkik’am i
tob’al reh i loq’oj makinah, xare
Chunchel i kamanik xqaan chaloq, xaqk’am cho rehtalil, wilik fotoh tz’ihb’imaj huj, wilik Factura rehtalil i loq’ i xqaan chaloq ar. Eh wilik wo chik tokom tob’al xkipahqaaj reh i hab’ jinaj chik xqak’am wo chik loq i rehtalil, xqasik’ i tob’al wilih maxatare’ kuk’ i qakomon xqaq’or la keh tokom chik qasqachaq’ ayu’ pan qatinamit Ronda España. Chiwach i hab’ 2002 xqaan taqeh i kamanik wilih: xqatoj jinaj aj k’uhtanel keh taqeh i tuut reh richoljiik i kem, pan kiyeab’, xqaloq’ jun tuhb’kamamb’al reh jinaj kocina keh tutb’es, xqaloq’ junaj kamamb’al reh k’uhtinik muuj ( Videos) keh taqeh i wilkeb’ cho chinajt, xqayejb’aa kiib’ ripatul iq’omb’al pan ab’ixb’al i wilkeb’ chinajt ruk’ i tinamit,( Farmacia Comunitario) xqaloq’ jinaj molin reh b’uuch, xqayejb’a Ixib’ nimaq paat salón Comunales, xohtob’inik riyejeb’jik jinaj chik i paat ,xqaloq’ wo chik jinaj kamamb’al reh Kocina, wilik wi’ jinaj warb’al, xqayejb’a jinaj chilb’al keh halak’un, xqatob’ej jinaj jaw yowab’ wilik riyab’el Cancer,xqayejb’a jinaj kocina reh jenaj komonil, jun tuhb’ taqeh k’ijol xkikemelej tz’aq kikamamb’al reh ( Videos)
Re’i sik’ij tob’al xkian je wilih; xkian k’ayinik wi’k pan jenaj k’ayb’al wi’k Hotel Husa Reina Victoria: xkian junaj k’uhtinik pan jenaj cholb’al, Teatro Vicente Espinel, xkian jinaj sakinik taqeh i k’ijol reh i tinamit Rinda, xa a ha’ xkian i pahqanik tob’al: Chije wilih xmoljik wach i tob’al. Re’ tob’al xqamol wach re’ re’ xb’an wi i tob’inik chipam i tinamit re’ re’, Purulhà, reh chikapeb’al reh noq wilik i kamanik xb’aan parib’ihnal i qatinamit Ronda España. Xqaloq’ taqeh i wilih: Jinaj i Secadora reh Cardamomo, jinaj i molin reh b’uch, xqaloq’ lajeb’ i makina reh b’ojoj itz’iy, keh jun tuhb’ i tuut, jinaj kahnel tuut xaqloq’ rak’al eh ripaat,wilik ixib’ ri halakun, xqayejb’a kipaat kiib’ taqeh rijib’ k’acharel, xqayejb’a’ jinaj nimlaj paat pan ab’ixb’al chikoj, xqatob’ej ruk’ richolinik jinaj i qasqachaq’, xqatoj wo chik i cholem keh i tuut aj bemol, xohtob’inik ruuk’ jinaj kamanik xb’an pan jenaj yeab’, xqaloq i kooch i hoq ( Premio) xqaloq’ jinaj i Congelador keh jun tuhb’ aj kamanom, xqayejb’a jinaj i nimlaj paat warb’al ar La pinada. Chiwach i hab’ 2,004 xqayejb’a wach noq naqaloq’om jinaj yeab’ keh taqeh i maxta kiyeab’ re’ i wilkeb’ pan Asienta ruuk’ patron, keh ( 54) chi qasqachaq’ naqayejb’am ri hujil chimanlik wach, xqatow taqeh ( 66) chiqasqachaq’ reh i cholinik
pan Básico, je’ wo ritoojb’al i aj cholinel keh, archipam i yeab’ Rivacó, jinaj chik i molin xqaloq’, xqayejb’a’ jinaj chik i Salón pan jenaj ab’ixb’al, xqatob’ej taqeh kiib’ aj cholem kiib’ reh i hab’ 2005, xqatob’ej jenaj i patinel rijib’ laj winaq, xqakana’ chaloq ritojb’al i aj kamanom reh i salón La pinada, xqatob’ej jun tuhb’ halahk’un pan jinaj chik tinamit, xqayejb’a i cholb’al, ar Santa Cruz. Eh chiwach chik i hab’ wilih 2005 xqak’am cho rehtalil i kamanik i ajwal wach chinarib’anarik: iraj yejb’aljik jinaj Centro reh (Acopio) molb’al, Ixiim, kinaq’ eh Iik: re’ rinimal reh 34 chisilos narokik chipam, eh je’ wo chik kitobjik taqeh i 66 chicholinel reh Básico. Je’ wo ritojb’al i ki maestro: eh ajwal wach ixb’ i salón communal pan tokom chik ab’ixb’al. Chunchel i wilih inquy ej chinarojik loq wach ruk’ kitob’al i qakomon aj Ronda España. Re’ keh q’e inkiyew kik’ux chikamanik pan holwachil suqkilal; Xare’ la ruk’ wo ritob’al i Qajaw Tyoos, je’ kab’ inkiq’or ar watemala xa re’ wo i T’yoos inki taqeh. Chiwach taqeh q’iij wilih, re’ taqeh qasqachaq’ re’ wilkeb’ chitobinik reh ruksjiik i qamolab’ re’ inqaq’or reh ONG. Chipam chunchel Ronda: Je wo inqaq’or taq aweh hat taq qakomon, re’ riq’or taq ak’ux qatobjik, reh kitobjik taqeh i qasqachaq’ i wilkeb’ pan tinamit re’ inq’orar reh: Tercer mundo. Re’ wilih rib’ihnal i qamoilab’ sik’oj wach qum: ONG. Ronda Solidaria por el Tercer Mundo: Re’ taqeh wilih jinaj aj kamanom chikorik pan chaq’lamil, keh taqeh i qasqachaq’ i wilkeb’ pan ti’ k’axik, tuum noq maxta ruchjiik asjinaq taqeh chipam i yeab’ inq’orar reh:Tercer Mundialista. Watemala. C. A. |
|
|
|
la
maxatare’re’ xkihan chiwach xkihan wo i kamanik wilih, wilik tokom
qasqachaq’ xkitob’ej ruuk’ kikamaj reh cardamomo xkiyew tumin chikemel,
xqatoj aj kamanom reh jinaj pajal ak’al ( 90) parcelas, xqayeja kiib’ i
nimaq paat salón, xqaloq’ jinaj cient b’urb’al wach yokab’, xqatob’ej
jinaj xuq’un yowab’ wilik riyab’el cancer, xqaloq chunchel reh, wilik wo
taqeh riwachb’al santo xqaloq keh jun’jun chi armiit. Chun chel xqatob’ej
taqeh nimaq kok’taq, re’inkiyew kik’ux chikamanik pan qakomonil.
